Blokvėlkė švėntė ont Šatrėjės, 2021 grůdė 21

Saulē lēdontis, par pati Saulės Kaliedu vėrsma, Ognës keravuotuojus, dabas puopintuojus, Lůkės žemės prietelius, kvëtam prisimintė žemaiťiu Kaliedėnės dabas (papruoťius) ė draugė švė̄stė BLOKVĖLKĖ švėntė, tėmptė BLOKI i Šatrėjės kalna.
Dā žmuonis ėš Lůkės atmen papruoti nȧsena užtėmptė bloki i Šatrėjė ė sodegintė ont kalna vėršūnės so vėsuom metu bluogībiem. Tas ī tėkra žemaitėška senuojė Kaliedu Sauliegrīžas švėntė, katra sosėjos so Šatrėjė.
Ēdami irinkē Šatrėjē prisiminsȧm praētus metus, pasvajuosȧm aple atēnonťius, stīgavuosȧm gomtuos žėnklus. Mošdami tabalus ė kartuodami bortažuodi „Tabalai tai tai, jodink seni kaulus, up up up sopluok ronku delnus…“ atsikratīsȧm vėsuokiuom metu bluogībiem ė sovarīsȧm i BLOKI. Sodeginsȧm BLOKI so bluogībiem ont Šatrėjės, kāp drėba žemaitē nu omžiu. Kumet BLOKIS degs skaistinsȧmuos pri Ognelės, paprašīsȧm dievū gerū kėtū metu, šuoksȧm ratelius, dainiůsȧm, vaišinsȧmuos.
Vaišiu (jiedala), šaukšta, kruzeli rēk atsivežtė. Svaigalā nie pageidautėni. Atsivežtė deglus. Aprisriedītė šėltā palē uora. Nuoronťius, kvëtam atvīktė so mitoluogėniu būtībiu (meškuos, gervės, vuožė, arklė, vėlka ė kt.) a dievībiu lėčīnuom, atrėbotās, palinkiejėmās.
Laukȧm nu 16 adīnas pri Šatrėjės ont Rauduonkalnė. Daugiau teirautës tel. 860091403. Keravuo: Žemaiťiu baltu tėkības bėndrůmenė ŠATRĖJĖS RUOMOVA ėr Ognës keravuotuojē.
Laukȧm švėntie.